Begi Jones

Jones isch Begi Jones und Jones isch ou jonesdrboy, beides isch Jones, und zeme bilde si dr inner Zwilling vom Jones und sinere Gfühlswelt.

Begi Jones repräsentiert sini Werch, er steit für sini inneri Verankerig und treit d Verantwortig für d Kunst. Nüt bringt Begi Jones us dr Ruhe. Er isch dr euter Zwillingsbrüetsch, und isch dr ruhend Pol.

jonesdrboy isch dr inner Rebell im Jones, er hingerfragt Norme und verisst auti Muster. Er isch frech und unerschrocke, nimmt kes Blatt vor's Muu, und erreicht sini Ziel uf sini ganz eigeti Art. Er isch dr inner Künstler und d Quelle vo Jones sine Idee. jonesdrboy isch dr jünger vo beidne, und zeigt em Jones sis innere Ching. Er liebts unabhängig dsi, und miedets jeglechi Verantwortig ds überne; Si Chopf muess frei si, wöu sini Idee bruche de Platz zum wachse; numeso cha er funktioniere. Di einzigi unvermidbari Abhängigkeit wo jonesdrboy het, isch die zu sim Zwillingsbrüetsch Begi Jones. Und für dass er cha frei kreiere, und sich vo sire Intuition cha la leite, überlat er d Verantwortig und d Repräsentation vo sine Kreatione sim Brüetsch.
Nume er isch dr Künstler, aber oni si Brüetsch wer er nid frei.