Fjöll

Fjöll er ný hljómsveit en byggir á eldri grunni, en sveitin starfaði áður frá 2012-2015 undir nafninu Slow Mountains. Þar að auki hafa þrír meðlima starfað saman í ýmsum hljómsveitum í fjölmörg ár.
Fjöll eru Guðmundur Annas Árnason, söngvari, píanó- og gítarleikari, Snorri Gunnarsson, söngvari og gítarleikari, Kristinn Jón Arnarson bassaleikari og Ragnar Þór Ingólfsson trommuleikari. Þrír þeir fyrstnefndu hafa m.a. starfað saman í hljómsveitunum Soma, Stolið og YouYou, en Ragnar trommaði m.a. í hljómsveitunum Los og Guði gleymdir. Guðmundur söngvari hefur einnig gert garðinn frægan í kántrísveitinni Klaufum og Snorri heldur einnig úti eins manns verkefninu The Sweet Parade.
Fjöll spila melódískt, afslappað indírokk og eru flest laganna samin af Snorra.