Healers

Healers (1998 – 2015) wie in opfallende Fryske Blûsband út Beetstersweach en de lêste tsien jier dat de band spile in bekende ferskining op de Fryske poadia. Mei rauwe ‘Fryske roots blûs’ spile de band (Jehannes Veenstra – sang en rammelguod, Iede Hoekstra – gitaar en sousafoan, Ruurd Huitema – bas en rammelguod, Bauke de Grouw – piano, oargel, gitaar, banjo en trompet, Marten Scholten – slachreau, sang, potten en pannen en Feiko Wouda – mûlharp en rammelguod) foaral harren saneamde Fryske Roots Blûs. Healers hat fjouwer cd’s makke en útbrocht; ‘De Blûsrûs’ (2005), ‘De Feanhoop Opnij Besocht’ (2008), It Is Soms Better As Oars (2013) en ‘Farwol-Toer ‘Live’ Op ‘e Himrik Wite Tsjerke’ (2015). De nûmers op dizze fjouwer skiifkes binne gruttendiels bewurkingen fan bekende en minder bekende blûsnûmers. Hjirtroch krije de nûmers in ferrassend oarspronklik karakter. Mar wat it meast opfalt is dat troch de Blûs fan Healers, it dúdlik wurdt dat der parallellen binne tusken de plantaazjes yn it súden fan de Feriene Staten fan Amearika en de feanterijen fan de súdeasthoeke fan Fryslân yn it begjin fan de foarige ieu. Yntiid, nei ideeën om wer te spyljen, waard sjonger Jehannes Veenstra yn de hjerst fan 2017 slim siik en kaam op 10 jannewaris 2018 te ferstjerren.