Hysni Klinaku

Hysni Klinaku
Lindi në Obiliq me 01.02.1975.
Mësimet e para i mori në vendlindje. Në vitin 1992 u regjistrua në Fakultetin e arteve, dega e muzikës, drejtimi i solokëndimit në klasën e profesoreshës Mr. Julijana Anastasijeviç.
I përfundoi studimet në qershor të vitit 1996 me një koncert solistik të hapur për publikun.
Në dhjetor të vitit 1996 mban edhe një koncert solistik me vepra të kompozitorëve boterorë.
Nga viti 2000-2003 ishte solist i Ansamblit Kombtar të këngëve dhe valleve “SHOTA”
Nga viti 2003-2005 solist i Filharmonisë-Operës së Kosovës. Me vënien në skenë të operes së parë në Kosovë, “Dasma arbëreshe” të kompozitorit Rauf Dhomi, interpretoi rolin e Kalorit(njëri nga tri rolet kryesore).
Në vitin 2006 mbajti koncert solistik në Prishtinë me këngë të përpunuara popullore.
Gjatë studimeve postdiplomike(2009-2011) në Shkup u prezentua me Filharmoninë e Maqedonisë si student i magjistraturës.
Në vitin 2011 përfundon studimet e magjistraturës në universitetin “KIRIL I METODIJ”në drejtimin e solokëndimit tek profesoresha Maria Muratovska, dhe mban koncert solistik në Shkup dhe në Prishtinë.
Eshtë pjesmarrës në shumë festivale, koncerte, xhirime televizive me këngë popullore dhe muzikë lehtë.
Ka 11 albume të edituara, prej të cilave 10 me muzikë popullore ndërsa njëri prej albumeve ”Duke me menduar për bukurinë” është me këngë artistike të kompozitorëve shqiptar.
Jeton në Prishtinë, me gruan Bardhën dhe me fëmijët Lumbardhën, Lironin dhe Valsin.