Kvennakór Ísafjarðar

Kvennakór Ísafjarðar, sem upphaflega hét Vestfirsku Valkyrjurnar var stofnaður haustið 2006. Fyrsti kórstjóri og jafnframt einn af stofnendum kórsins var Bjarney Ingibjörg Gunnlaugsdóttir. Kórinn hefur tekið þátt í ýmsum viðburðum innanlands og utan og vann meðal annars til fyrstu verðlauna á kórakeppni í Pesaro á Ítalíu árið 2019. Kórinn hélt Landsmót Íslenskra Kvennakóra á Ísafirði árið 2017. Í kórnum starfa ca. 30 konur á öllum aldri. Kórstjórar hafa auk Bjarneyjar verið Dagný Arnalds, Beata Joó og núverandi kórstjóri er Bergþór Pálsson.