LEAF_EO

Dr LEAF_EO, ä junge Schnuufer, macht scho sis ganze Läbe lang Musig. Ob är grad Beatboxt, Gitarre spiut oder irgendwo singend öppis umetrümmelet, är het immer Fröid bim "musige". I sine Songs thematisiert är hüüfig sini Beziehig zu Gott und probiert, ä lösigsorientierti Perspektive inezbringe. Mängisch dänkt är sich aber: Ja, dä Song sött jitz eifach luschtig wärde...
Sit sinere Debut Single &#34;Sikkerhetsafstand&#34; woner mit de <a href="spotify:artist:2QshFWRIKpHa3nLku5I1aJ" data-name="Jana Hafner">Jana Hafner</a> ä Text über Heizigsradiatore uf Norwegisch vertont het, bemüeht är sich, bi aune sine Liedli originell z blibe und überau sini persönlech Note drizströie.
Sis erschte Album &#34;Eifach Livio&#34; isch genremässig no ganz chrüsimüsi.
Sit däm het är scho mit vielne angere Künstler zämegschaffet, so ou bi sinere Erfolgssingle &#34;Chille am Meer&#34; wo <a href="spotify:artist:0qxko1E5m7Keia7g5qLDar" data-name="The Keyway">The Keyway</a> si heftigi Rap rappt. Wieso loset ihr die eigentlech so viu? - Item, mit sinere EP &#34;MOTIVATION&#34; (*schwiizerdütsch usgsproche) wott är di ermuetige, uf Gott zvertroue und muetig dr nöchscht Schritt z gah, ou wed nid sicher bisch obs dr richtig isch.
Nach wiitere rockige Kläng mit sine Singles &#34;Wiene Bär&#34;, &#34;comfort zone&#34; und &#34;Thats all I got&#34; heter ändlech wieder es Lied mit The Keyway useghoue. Mit drbii si dasmau ou dr Lukiii und d Salome Wüthrich.
Grad nöi dobe isch sis 2. Album unter anderem ou dr Song &#34;nie meh ohni&#34; mitem GDWN.