Skadulyn

Skadulyn, voorheen bekend as Pyplyn, is ’n Afrikaanse musikale duo uit Port Elizabeth, Suid-Afrika, bestaande uit Ignus Kritzinger en Dirk Crafford. Die twee het hul musikale wortels gevestig in die klanke van Leonard Cohen, Koos Du Plessis en Simon & Garfunkel – kunstenaars wat bekend is vir hul poëtiese diepgang en introspektiewe lirieke.

Wat as ’n passie vir egte, liriekgedrewe musiek begin het, het vinnig ontwikkel tot ’n missie: om ’n stem te gee aan die stilte wat hulle in hedendaagse Afrikaanse musiek ervaar het. Skadulyn neem sterk standpunt in teen die oppervlakkige gebruik van Engels in Afrikaanse liedjies bloot vir kommersiële aanloklikheid. Hulle is trots om hulself 100% Afrikaans te noem – nie net in taal nie, maar in hart en siel.

As universiteitstudente het hulle hul kitare geneem na enige plek waar iemand sou luister – kroeë, studentesentrums, klein venues – en met tyd het hulle hul plek begin vind in die breër musiektoneel. Hulle was finaliste in die landwye ATKV-liedjieskryfkompetisie en het ook die verhoog gedeel by KKNK, een van Suid-Afrika se voorste kunstefeeste.

Een van die hoogtepunte in hul vroeë loopbaan was om saam te werk en op te tree met die legendariese Stef Kruger, die man agter talle treffers van Suid-Afrikaanse ikoon Dozi.

Skadulyn is nie net ’n musiekgroep nie – hulle is ’n refleksie van ’n generasie wat smag na betekenis. Met donker klanke, eerlike lirieke en ’n liefde vir taal, skep hulle musiek wat bly spook lank na due laaste noot.