Broa

Broa é a nova fornada musical saída das quenturas das chemineas fumeantes de Cerceda, paraíso do Rock do país. Músicos de Machina, Morgen, Ruxe Ruxe o Presencia Zero compoñen este power-trío. A broa é de textura áspera con engurras que mal tocadas poden magoar mais no seu interior é doce e tenra. De igual xeito, o primeiro disco de Broa, “Cucú é un produto á vez doce e salgado; tenro e salvaxe mais sobre todo auténtico que non te deixará indiferente. “Cucú” da título ao primeiro traballo discográfico de BROA, enfornado a lume moi lento durante os últimos 4 anos. 11 cortes, gravados en Cimática Studio, nos que os de Cerceda despregan un interesante mestura do grávido do Stoner ou New-Metal co vertixinoso do Punk eo Hardcore onde as melodías pop atopan refuxio. No outono de 2020 publicouse na súa totalidade “Cucú” en todas as plataformas dixitais. Se rexentas un local ou sala de concertos, se formas parte dunha asociación ou colectivo de ámbito local e queres que BROA presente disco na túa vila ou cidade, non deixes pasar a oportunidade. De igual xeito, se dirixes un festival ou formas parte de la organización dalgún deles ponte en contacto coa oficina de representación de BROA.