Misiva

Misiva ye una de les bandes más renomaes de la escena punk-rock d’Asturies. La so trayectoria principió en Grau en 2010 y ta marcada por facer un punk-rock rápidu y melódicu, influyíu por nomes de la escena californiana como <a href="spotify:artist:2yJwXpWAQOOl5XFzbCxLs9" data-name="Bad Religion">Bad Religion</a> o <a href="spotify:artist:6xTk3EK5T9UzudENVvu9YB" data-name="Rancid">Rancid</a> . Anque los sos trés primeros discos tán en dos versiones -una toa n’asturianu y otra toa en castellanu-, dende’l cuartu trabayu yá namás asoleyó la versión n’asturianu, llingua na qu’interpreten tamién tol so repertoriu en directo y que sonó en festivales tan prestixosos como’l Resurrection Fest o’l Tsunami Xixón.

En 2022 publicaron el single <a href="spotify:album:1SosY8CTNQXjheasWb6IvM" data-name="La Misiva">La Misiva</a>, un homenaxe a más d&#39;una década de trayectoria y remataron l&#39;añu con l&#39;EP <a href="spotify:album:1Z6XbC1XAo9sxpZWXBuqRM" data-name="Mala Relixón">Mala Relixón</a>. Esti nuevu trabayu recueye cuatro cañonazos enllenos d’enerxía, de riffs mui curiaos y de voces sorprendentes, nos que falen de romper los patrones y los programes nos llanten dende pequeños y de volver al orixe, a la esencia de caún. Ye un glayíu d’esperanza y una invitación a mirar pa dientro que ye onde tán al final toles respuestes.