Deon Meiring

Op hoërskool in die Oos-Kaapse dorpie, Humansdorp, stig <a href="spotify:artist:5h2VPrb5uczuK8foqa2jby" data-name="Deon Meiring">Deon Meiring</a> en twee van sy vriende ’n band, <a href="spotify:artist:3mbYAsXro0k8Rvi9GrMPPn" data-name="Glaskas">Glaskas</a>. Hulle skryf in vir ’n kompetisie en wen nie, maar dring darem deur tot die finaal. Deon hou aan liedjies skryf en Glaskas hou aan speel – meestal in sy ma-hulle se garage, maar ook soms voor ander kunstenaars wat in Jeffreysbaai, so tien minute van Humansdorp af, kom optree. Na een so optrede by ’n <a href="spotify:artist:4INPDZ7XS2f8jsp7CMM6WW" data-name="Jan Blohm">Jan Blohm</a> vertoning stel Blohm vir Glaskas aan ’n goeie ateljee voor om hulle eerste album op te neem. Hulle maak ook hulle eerste musiekvideo, <a href="spotify:track:7qwS1vcWlXquVIu1z5DeDy" data-name="Verloor Myself">Verloor Myself</a>, en stuur dit vir die destydse musiekkanaal MK. Die video is uiteindelik vir 13 weke nommer een op ’n program waar kykers kan stem vir hulle gunsteling video. Deon se bure is dankbaar hieroor aangesien Glaskas toe minder in die garage en meer op verhoë regoor die land begin speel.

 Op universiteit raak Deon bevriend met <a href="spotify:artist:5HZFQNs0MnrxxtU7dvi4Te" data-name="Bouwer Bosch">Bouwer Bosch</a> en hulle stig die akoestiese duo <a href="spotify:artist:6Kasz09T76a1IAveNC2xZH" data-name="Dans Dans Lisa">Dans Dans Lisa</a>. Beide Glaskas en Dans Dans Lisa bied vir Deon uiteenlopende platforms vir die liedjies wat hy skryf, maar steeds is daar van sy musiek wat nie noodwendig by een van hierdie projekte pas nie. So begin hy ook op sy eie musiek maak. Sy debuut EP is <a href="spotify:album:6PGpb7Tk4pjYdv1uebC2WI" data-name="Die Slaapkamer Sessies">Die Slaapkamer Sessies</a>, gevolg deur enkelsnitte <a href="spotify:album:0B3fgsv5oBhA22mQfhaCMn" data-name="Ek Weet Net Nie">Ek Weet Net Nie</a>, <a href="spotify:album:6ZJQiZXwIhTkupVrPgxSmf" data-name="Naby Jou Wees">Naby Jou Wees</a> en <a href="spotify:album:1LO1v5b2qpkVBQGB6xdEve" data-name="Bliksoldaat">Bliksoldaat</a> asook &#39;n EP oor Kersfees in Suid-Afrika, <a href="spotify:album:6URoa9TmHoTm6kkYSqIdAo" data-name="Hier by Ons">Hier by Ons</a>. Sy nuutste EP kom 16 Oktober 2020 uit. Dit het musiek op wat deel is van die nuwe kykNET reeks, Kompleks en sluit &#39;n lied saam met <a href="spotify:artist:6tj3rGjkpJ3Zw2tDOMnzGZ" data-name="Koos Kombuis">Koos Kombuis</a> in.